Албанија подготвена да и помогне на Македонија

Од:

Албанскиот државен врв во свое и во име на албанскиот народ изрази длабоко сочуство до семејствата на настраданите во синоќешното невреме и искажа подготвеност да помогне во надминување на состојбите.

– Со голема болка и загриженост ги следиме трагичните случувања во Македонија. Подготвени сме за се што можеме, да им помогнеме на нашите браќа, сестри и соседи, напиша албанскиот премиер Еди Рама на својот фејсбук профил.

Претседателот на албанскиот Парламент Илир Мета изјави дека со голема загриженост ја следи состојбата во Македонија. – Длабоко сочуство и солидарност до сите погодени од невремето, посебно до семејствата на настраданите, и искрени молитви на толку да остане овој трагичен биланс. Од името на Парламентот до населението во овие подрачја и властите во Македонија, во Скопје и Тетово, искажуваме солидарност и секогаш сме до граѓаните на Македонија, изјави Мета, додавајќи дека Парламентот ќе ја подржи секоја иницијатива на Владата во Тирана за помош.

Сочувство изрази и шефот на албанската дипломатија Дитмир Бушати.

– Искажуваме целосна подготвеност за подршка на централните и локалните власти на Македонија за надминување на тешката ситуација, изјави Бушати.

Тој, како што соопшти, телефонски разговарал со неговиот македонски колега Никола Попоски, со вицепремиерот Арбр Адеми, како и со градоначалничката на Тетово Теута Арифи.

Би можело да ве интересира

Прва жртва од невремето во Грција

Втор ден невреме во Грција, еден исчезнат на островот Евија

Грција се подготвува за бурна ноќ, превентивно затворени два булевари во Атина

А1он

Алармантна состојба во Грција, поради невремето утре затворени училиштата во Атина и Халкидики

А1он

Невремето „Балос“ предизвика проблеми во Грција, делови на Атина под вода

А1он

ВИДЕО: Спасувачка драма во Хрватска, на Полјаци им се расипал катамаранот на силно невреме

Катерина Павлова-Николовска