До каде оди партиската послушност и нечовечност? Лавина реакции и контра-реакции предизвикаа постовите на фејсбук групата групата „И Јас Сум ВМРО-ДПМНЕ“.
Смртта на 41-годишниот Роберто Беличанец ја потресе македонската јавност, но некои приврзаници на оваа страница ликуваа.
Коментари полни омраза со нивниот неистомисленик осамнаа на Фб страната:
„Нека му е тешка земјата“
„Нека се чистат што повеќе вакви изроди на Македонија“
„Умре од мака што Грујо победи на локални, а Бранко отиде во историјата“
„Почело је почело, кој е следен?“, ова е дел од омразата и нечовештината кои згрозија многумина.
Новинарката Јорданка Ивановска Јоци напиша:
„Читам некои непрокопсаници, со најпоган јазик, на Фб, истуриле отров на покоен Роберто Беличанец. Напишале јавно како мајка Македонија го казнила. Цела јавност знае како Роберто со години се бореше со ваквите луѓе. Му го уништуваа здравјето. Само затоа што не размислува како нив, не им се поклонува. Тој 7 год. беше мачен со методи на некој модерен Голи оток“.
„Многу ме разочаравте. Не треба да се гледа на партија, треба да се биде човек“
„Колку злоба сте собрале“, пишуваат револтирани граѓани и прашуваат: „Ако не си ДПМНЕ не треба да живееш?“
„Тоа ли е демохристијанскиот карактер на ДПМНЕ? Тоа ли се тие верници? На таков начин ја докажуваат вербата во Христа со плукање по починатите? Греови сте, тешки греови“.
До каде ќе оди оваа омраза и поделба?