Лидерот на ДУИ, Али Ахмети смета дека парламентарното мнозинство е стабилно, но дека има простор за влез на нова партија во Владата, особено ако има европски пристап, коментирајќи ги разговорите на Алијанса за Албанците со СДСМ за влез во извршната власт.
– Мислам дека парламентарното мнозинство е стабилно но има поопширен и перспективен пристап да се прошири тоа мнозинство и да се создаде една алијанса за Европа. Евентуалниот влез на Алијанса во Владата нема никаква врска со „огнената група“ – рече Ахмети одговарајќи му на потпретседателот на ДУИ, Изет Меџити на изјавата дека тенденцијата за влез на Алијанса во Владата е да се замолчи групата која ја предводи тој.
И лидерот на Алијанса, Арбен Таравари неодамна изјави дека постои реална можност неговата партија да влезе во Владата.