Уште еден ден до конечната одлука и се уште е неизвесно ќе формира ли Груевски Влада.
Централното претседателство на ДУИ во проширен состав со присуство на градоначалници, поранешни пратеници, претседатели на ограноци и други видни членови на ДУИ во Мала Речица во уште еден обид да пресечат и да му испорачаат на мандатарот дали одат со ВМРО-ДПМНЕ во коалиција.
Според партиски извори, Ахмети со дел од раководството смета дека во интерес на ДУИ е да ја продолжи коалицијата со ВМРО-ДПМНЕ, но потпретседателите, поголем дел од разграноците, градоначалници, сметаат дека ова ќе биде краткотрајно и на штета на партијата на Ахмети.
Противниците на коалицијата со Груевски велат дека не наседнуваат на лесни ветувања од лидерот на ВМРО-ДПМНЕ чие нереализирање, донесе до преполовен рејтинг на изборите во декември, а дека на локалните избори би биле маргинализирани како партија
Свесни се дека двојазичноста, освен ако се оди на половично решение со закон и мандатот на СЈО не може да се изгласа, бидејќи и со пратениците на Тачи, бројката е далеку од потребните 81 глас во Законодавниот дом.
Вчерашните средби на Ахмети со партиските потпретседатели Теута Арифи, Невзат Бејта, Изет Меџити и Садула Дураку не ја расчистија ситуацијата.
Со кого во колаиција, ова е се уште прашање за кое нема одговор и единство во партијата на Али Ахмети.
Колкав е авторитетот на Ахмети, кој според партиски информации сака да оди со Груевски за да можат заедно да ги спроведат престојните избори ќе мора да се расчисти денеска, зошто утре истекува рокот Груевски да достави предлог владин кабинет и Програма за работа. Се разбира и да покаже дека има обезбедено подршка од 61 пратеник.