Претседателот на Демократската унија за интеграција, Али Ахмети, денеска ги посети жителите на селата Дебреште и Житоше во општина Долнени.
Лидерот на ДУИ рече дека цврсто го поддржува неговиот кандидат во оваа општина, Џемил Ќамили, чиј противкандидат во вториот круг од изборите на 29 октомври е Билал Каришик од СДСМ.
– Дезинформациите и деструктивните шпекулации, дека ДУИ наводно има направено договори со СДСМ за да ја „продаде“ општината на таа партија, ме натераа да дојдам лично и да ги уверам Албанците од Долнени, дека ДУИ стои цврсто зад својот кандидат во оваа општина, Џемил Ќамили, рече Ахмети.