Претседателот на ДУИ, Али Ахмети, по повод новогодишните празници испрати честитка до граѓаните на Република Македонија во која им пожелува здравје, благосостојба и успех во текот на 2018 година.
Годината пред нас е клучна година и многу значајна за нашата земја и за земјите од Југоисточна Европа, потенцира Ахмети во честитката.
„2018-та нека ни донесе исто така, афирмативни, надежни и конкретни стратегии на проширувањето од страна на Европската Комисија, позитивен извештај за напредокот со безусловна препорака и датум за почеток на преговорите, но уште поважно, покана за членство во НАТО“, посакува претседателот на ДУИ.
На крајот, додава дека на македонските политичари им преостанува да се соединат и да ги решат домашните задачи без никакви одлагања во конструктивен и пријателски дијалог со соседите.
„Затоа, да си ги засукаме ракавите и да ги оствариме нашите определби“, потенцира Ахмети на крајот од неговата новогодишна честитка.