Претседателот на ДУИ Али Ахмети денеска во Скопје имаше средба со специјалниот претставник на ОБСЕ за Западен Балкан, амбасадорот Герард Стоудман и со високиот комесар за правата на заедниците, Астрид Торс.
Како што е наведено во соопштението од ДУИ, Ахмети изразил благодарност за конструктивниот придонес на ОБСЕ и меѓународната заедница за надминување на оваа многу тензична ситуација во Куманово.
Ахмети побарал поголема соработка и регионална комуникација за сите прашања бидејќи, како што се посочува во соопштението, насилството и нестабилноста не се во интерес на никого.
Од ОБСЕ изразиле загриженост во врска со политичката криза и безбедносната ситуација во земјата и притоа ја истакнале подготвеноста да помогнат во надминување на состојбата.
