Претседателот на ДУИ Али Ахмети денеска во Амбасадата на Германија во Скопје се сретна со делегацијата на парламентарната група за соработка со Југоисточна Европа на Бундестагот предводена од пратеникот Петар Вајс, како и со амбасадорката Кристине Алтхаузер.
Ахмети на средбата побарал заложби од Германија за заедничка средба на македонскиот и грчкиот премиер со цел надминување на прашањето за името.
„Ахмети нагласи дека Македонија ја чека уште многу работа во однос на владеењето на правото, борбата против корупција, слободата на медиумите итн, но иако ги исполни сите овиe услови, без решавање на спорот со Грција, нема да се зачлени во НАТО ниту да започне преговори со ЕУ. Затоа улогата на Германија, започната со конференција во Берлин минатата година, треба да биде клучна за седнување на зедничка маса на премиерите Груевски и Ципрас за решавање на ова прашање што е можно поскоро“, се вели во соопштението од ДУИ.
„Mестото на СДСМ е во Собранието, каде ќе најдат партнер во ДУИ“, вели тој.
По објавувањето на случајот „Пуч“, според Ахмети, Брисел што поскоро треба да делегира силен политички и експертски тим во државава.
