На средбата на 2 јуни партиите се договориле да не се објавуваат „бомби“ до средбата на 10 јуни, изјави лидерот на ДУИ, Али Ахмети, во интервју за телевизијата 21, пренесе Алсат М.
– Според договорот нема да се објавуваат повеќе „бомби“. Јас нема да прејудицирам за 10 јуни, бидејќи се надевам дека ќе го почитува тој договор во кој се вели дека нема да има „бомби“ до 10 јуни. Се надевам дека нема да има ниту после 10 јуни – додава Ахмети.
Лидерот на ДУИ смета дека објавувањето на „бомбите“ го нарушуваат угледот на земјата пред меѓународниот фактор. Во изминатите месеци опозицијата објави вкупно 35 „бомби“, а остана должна кон јавноста за случајот „Монструм“ и за други објави на евентуални злоупотреби од функционери Албанци.