Претседателот на Демократската Унија за Интеграција Али Ахмети денес оствари средба со Амбасадорот на Франција во Македонија, Кристијан Тимоние.
Ахмети и Тимоние разговараа за политичките актуелности, спорот за името, законот за употреба на јазиците како и Евроатланската интеграција и системските реформи. Лидерот на ДУИ зборуваше за процесот посредуван од Нимиц за спорот со Грција и изрази целосна поддршка за интензивни преговори за конечно решавање на спорот.
Ахмети истакна дека владината коалиција и парламентарното мнозинство се подготвени да им пристапат на последните пречки на нашиот пат кон ЕУ и НАТО. Тој ја покани и опозицијата да го поддржи овој процес станувајќи активен дел на успехот на граѓаните и нашата земја.
Достоинствен и прифатлив компромис за двете страни е достапен. Ахмети исто така, зборуваше и за неопходноста од продолжување со реформскиот процес во земјата и ДУИ останува посветена за да продолжи со реформскиот процес.
