Претседателот на ДУИ, Али Ахмети, се сретна со амбасадорот на САД, Џес Бејли.
Како што соопштија од партијата, Ахмети и Бејли размениле мислења за актуелната постизборна состојба во земјата, системските реформи и Евроатлантската интеграција на земјата.
„Претседателот Ахмети нагласи дека ДУИ е целосно определена да ги поддржи и предводи реформите во судството, системските реформи заедно со владеењето на правото и процени дека сите наши енергии треба да се фокусираат во оваа насока, сега по завршувањето на изборите“, соопштија од ДУИ.
Ахмети и Бејли разговарале и за патот на Македонија кон НАТО и ЕУ, со што, Ахмети рекол дека односите со Атина и Софија добиваат многу конструктивна димензија и соработка во духот на надминување на пречките и споровите.
