Зоран Верушевски, првоосомничен во аферата „Пуч“ бил уплашен за својот живот и лут поради притворањето на неговата сопруга.
Ваква порака пренесе неговиот адвокат Ангеле Илиевски, кој се видел со поранешниот прв човек на ДБК утринава. Верушевски тврдел дека неговата сопруга Соња Верушевска нема никаква вмешаност, јавува 24 Вести.
– Беше многу вознемирен и лут и рече „јас вистината ќе ја истерам на виделина ако не ми се случи она што му се случи на Никола Младенов. Ми рече дека Соња Верушевска, неговата сопруга, со ова нема никаква врска, вели адвокатот Илиевски кој утринава го посетил Верушевски во истражниот затвор во Шутка.