Администраторот на „Јавна соба“: Целта не ни беше порнографија, ситуацијата излезе од контрола

Од:

„Медо“ е кодното име на администраторот на групата на телекомуникациската апликација „Телеграм“ која викендов ја крена на нозе македонската јавност, откако беше обелоденето дека таму се споделуваат порнографски видеа и фотографии од девојки од Македонија, а дел од нив се малолетни. Групата „Јавна соба“ која броеше над 7.400 членови деновиве почна да се намалува откако МВР потврди дека ќе отвори истрага, беше преименувана во „Само за возрасни“, а потоа имаше и неуспешни обиди да биде затворена.

Но, таа се уште постои и понатаму се споделуваат експлицитни фотографии од девојки, дел преземени од нивните Инстаграм профили, а за дел е евидентно дека се приватни. Целата работа излезе од контрола, па во групата веќе се споделуваат и фотографии и искуства од користење различни наркотици.

„А1он“ стапи во контакт со администраторот на групата, кој е на околу 40 годишна возраст и кој раскажа како една првично основана група со една цел, понатаму губи контрола и се претвора во друго, без можност да биде избришана. Потенцираме дека нашата редакција не го знае точното име на администраторот, но бевме сведоци на тоа како тој се обидува да ја избрише групата на „Телеграм“, но тоа е невозможно бидејќи таа е сега во рацете на членовите кои постојано и постојано постираат нови порнографски фотографии од девојки од Македонија.

„Сакавме да направиме група со видеа и забавни клипови кои во ниту еден случај не содржат порнографија. Тоа и го направивме, односно стануваше збор за група за смешни видеа и нагласивме дека е за членови кои имаат над 18 години, бидејќи сите под 18 имаат Инстаграм. Стануваше збор за приватна група која не можеш да ја најдеш преку пребарувач, освен ако некој не те додаде и тоа се уште е така. Но, еден администратор додал еден член, друг додал трет и така за два дена групата имаше речиси 500 членови, а од членовите на групата не беа барани лични податоци, бидејќи така би го прекршиле член 149 од Законот за заштита на лични податоци. Затоа решив да ја избришам групата, според точните упатства на Телеграм“, раскажува администраторот.

Принт-скрин доставен од администраторот

Тој вели дека неколку дена ја немал воопшто отворено групата, мислејќи дека истата е избришана, кога некој од членовите му пишал да избрише одредена порнографска фотографија.

„Тогаш ми прати линк од групата и видов дека таа се уште функционира и дека веќе има над 1.000 членови од кои дел постираат порнографски содржини. Повторно ја избришав, но видов дека кога ќе кликнам на линкот таа никако не се брише, си постои како ништо да не се случило, а во групата има се и сешто. Јас сметав дека кога нешто ќе избришеш е избришано, ги подесив параметрите да не се памети никаква историја, почнав да ги бришам членовите еден по еден, но сето тоа беше залудно, тие меѓусебно се додаваа и веќе бројката стигна до 5.000 членови“, вели тој.

Кај администраторот празен прозорец, кај членовите порнографски фотографии

Администраторот го избришал и неговиот „Телеграм“ акаунт, но и тоа било залудно. Кога се вклучил повторно, групата се уште била активна, бројката на членови пораснала до 7.000, а кога ќе решел да ја деактивира, групата паузирала кратко време, околу еден час, а потоа повторно се активирала.

„Не сакам и одбивам било кој да биде повреден и било чија приватност да биде загрозена. Не сакам да постои оваа група, бидејќи првичната намена воопшто не беше таква, а сега работата е излезена од контрола“, вели тој.

Од групата сега се повлечени сите администратори, па таа сега функционира буквално сама од себе и брои околу 4.700 членови. Тие веќе се договараат и се префрлаат на нова платформа, Discord, каде што планираат да продолжат со „активностите“. Во меѓувреме, освен порнографски фотографии, членовите споделуваат и фотографии и искуства со користење различни дроги.

Неизвесно останува дали воопшто македонското МВР ќе успее да ја суспендира групата, со оглед на тоа што Телеграм е руска интернет апликација со децидни правила на игра. Но, дури и да бидат преземени мерки, останува отворено што доколку се затвори една група, кога залетот е веќе земен, а во меѓувреме останува веројатноста дека постојат и други групи каде што се споделуваат слични содржини.

Интернетот, по се се чини, е невозможно да биде приватно место за споделување интимности, разговори и фотографии, со оглед на тоа што буквално за се постои можност да биде уснимено и понатаму дистрибуирано, без да се даде дозвола. Траумите што понатаму можат да следат, особено кај малолетниците е излишно да се коментираат, па оттаму „јавната соба“ на Телеграм треба да ги разбуди и институциите и родителите и оние чиј „воајеризам“ го поткопуваат и општеството чии вредности секојдневно се повеќе се изместуваат.

Би можело да ве интересира

ФБИ наскоро би можела да има пристап до интернет историјата на корисниците без налог

А1он

Ипсос: За време на епидемијата српските граѓани повеќе се пред ТВ, а македонските на интернет

А1он

Апликацијата Зум поради популарноста е под зголемена контрола

Ана Ололовска

ЈуТјуб ги ограничува содржините за корисниците во ЕУ и во Велика Британија

Ана Ололовска

ЕК бара од стриминг платформите да користат стандарден квалитет, наместо висок

А1он

„Порнхаб“ го издава првиот филм кој не е само за возрасна публика

А1он