Привремената комисија за следење на медиумското претставување денеска одржа седница на која со мнозинство од три гласа, наспроти два даде предлог за поведување прекршочна постапка против телевизија Алфа.
Предлогот се однесува на членот 75-б од изборниот законик, кој регулира објавување прилози за активности на државните институции.
Двајцата членови кои гласаа против предлогот најавија поднесување издвоено мислење. Адхок комисијата воедно отфрли неколку други предлози за поведување прекршочни постапки.
Оваа комисија е задолжена да дава предлози од Агенцијата за Медиуми за постапување по извршените набљудувања на работата на медиумите во период од 100 дена пред изборите.