Излeзноста на гласање на претседателските избори до 9 часот е 4,06 отсто, според податоците објавени на веб-страницата на Државната изборна комисија, од обработени над 92% од гласачките места.
Според ажурираните податоци, најголема излезеност има во Демир Капија – 9,42%, а најмала во Пласница – 0,97%.
Претседателот на ДИК, Александар Даштевски, на правата денешна прес конференција соопшти дека гласањето се одвива мирно и без неправилности во првите два часа од отворањето на гласачките места.
До ДИК се доставени 12 приговори за заштита на личното избирачко право, а според првичните информации на Комисијата, сите гласачки места биле отворени навреме.
