Од денеска ресенските социјалдемократи го продолжуваат отпорот со нови форми на дејствување. Утрово беше блокирана општинската зграда каде што е сместена локалната власт и ред други подрачни служби на министерствата.
„Оваа зграда во моментов е најголемата фабрика во Ресен и синоним за непотизам и партиски вработувања, оваа зграда е синоним за сето она што не е направено во Ресен и Преспа во изминативе четири години локално владеење на ВМРО-ДПМНЕ, синоним за лажни ветувања“, изјави денеска пред општинската зграда, пратеничката од Ресен, Дивна Јовковска-Ефтимоска.
Таа ги замоли граѓаните за разбирање и воздржаност и најави дека Отпорот во Ресен продолжува.