Премиерот Зоран Заев денеска и утре ќе учествува на меѓународната економска конференција „Економска конференција на Црна Гора 2017 – Предизвици на патот кон Европската унија“, што се одржува во Будва, Црна Гора.
Тој ја предводи македонската делегација во чиј состав се и вицепремиерот за економски прашања Кочо Анѓушев и министрите за економија и за образование и наука, Крешник Бектеши и Рената Тренеска Десковска.
Според агендата, претседателот на македонската Влада денеска ќе има обраќање на панел дискусијата на тема „Регионот после четири години од Берлинскиот процес“ и ќе има работна средба со потпретседателот на ЕБРД, Пиер Хајрброн.
За утре е предвидено премиерот Заев да има повеќе билатерални средби.