Во хотелот „Александар Палас“ денеска ќе биде одржан Парламентарен форум за Југоисточна Европа на тема енергетска ефикасност и клима, организиран од страна на Отворениот регионален фонд на GIZ за Југоисточна Европа – Енергетска ефикасност.
Фокусот на овогодинешниот Форум се најдобрите парламентарни практики за енергетска ефикасност во Југоисточна Европа и креирањето политики за намалување на енергетската сиромаштија во регионот.
Настанот треба да претставува платформа за размена на знаење и најдобри практики меѓу претставниците на Прламентите од ЈИЕ, вклучувајќи ја и Македонија.
На настанот ќе присуствуваат претставници од Прламентите, ресорните Министерства и Организациите од граѓанското општество од земјите од ЈИЕ.
Настанот ќе го отворат Хари Локвенец, претседавач на Комисијата за одбрана и член на Комисијата за економија во Македонија и Давид Оберхубер, директор на GIZ за Македонија и Косово.
Форумот ќе се одржи веднаш по Парламентарниот пленум на Енергетската заедница.