ВМРО-ДПМНЕ реагира на прес-конференцијата на Зоран Јовановски, и посочува дека СДСМ е тој што го продаде ЕСМ и природниот монопол од рацете на државата го даде во рацете на приватен сопственик.
„ВМРО-ДПМНЕ, тогаш потпиша и декларација за непродавање на ова државно претпријатие, но Владата на СДСМ ги убедуваше граѓаните дека продажбата ќе доведе до поголеми бенефиции за граѓаните. Според ВМРО-ДПМНЕ, Јовановски треба да ги бара одговорите зошто струјата поскапува и кои придобивки ги видоа граѓаните од продажбата на ЕСМ кај Радмила Шекеринска и своите функционери од тоа време“, сѕои во соопштението на ВМРО-ДПМНЕ.
„ Хипокризијата на Јовановски граѓаните ја препознаваат. Јовановски наместо празните прес-конференции нека отиде кај своите сопартијци да му одговорат зошто СДСМ тогаш не размислуваше дека со приватизацијата на ЕСМ ќе предизвика загрозување на стандардот на граѓаните, дека ќе дојде до поскапување на цената на струјата, а со тоа и поскапување на храната и лебот? Ете тоа се прашањата на кои сите граѓаните треба да добијат одговор“, стои во соопштението од ВМРО-ДПМНЕ.