Решение за кипарската криза е можно да се постигне „во следните неколку часа“, изјави денеска потпретседателот на владејачката партија Демократски собир (ДИСИ), Авероф Неофиту.
– Постои одреден оптимизам дека во следните неколку часа може да се постигне договор за платформа, така што Парламентот ќе ги прифати овие специфични мерки кои ќе бидат согласно рамката и целите, договорени на последната седница на Еврогрупата, истакна Неофиту на прес-конференција.