Владата ќе ги декласифицира информациите и договорите за државна помош на странските инвеститори

Од:

Владата на Република Македонија на денешната седница донесе одлука да се покрене постапка за декласификација на класифицираните информации и договори за доделување на државна помош, склучени помеѓу Владата на Република Македонија и компаниите/странски инвеститори во Република Македонија.

Со одлуката на Владата, согласно Законот за класифицирани информации и согласно препораките на Дирекцијата за безбедност на класифицирани информации, покрената е постапка според која Владата на РМ ќе ги направи јавни сите информации и договори за доделување на државна помош со странските инвеститори.

На денешната седница, владата донесе одлука со која се задолжуваат Агенцијата за странски инвестиции и Техничко-развојните индустриски зони, како и сите останати министерства и државни органи, кои поседуваат класифицирани информации и договори за државна помош, и тие да ги покренат постапките за достапност на овие информации и договори.

За ефикасно спроведување на оваа одлука, Владата го задолжи Генералниот секретаријат да достави листа на класифицирани информации и договори за државни субвенции на странските компании во земјата, и утврди рок од седум дена за реализирање на оваа иницијатива на владата.

Иницијативата за декласификација на информациите и договорите за државна помош за странските компании е мерка предвидена со Планот 3-6-9.

Би можело да ве интересира

Владата почна постапка за набавка на 200.000 кинески вакцини против Ковид-19

Жарко Настоски

Владата останува посветена на спроведувањето на Договорот од Преспа

Ана Ололовска

Груби се сретна со косовскиот амбасадор Дедај

Ана Ололовска

Владата издвои 1,3 милиони евра за Дојранското и Преспанското Езеро

Жарко Настоски

Владата донесе нови одлуки за кадровски решенија во повеќе институции

Жарко Настоски

Владата го усвои планот за вакцинација против Ковид-19, се чекаат уште само вакцините

Жарко Настоски