(ВИДЕО) Николовски: Струмица добива модерен откупно-дистрибутивен центар за земјоделски производи во вредност од 6.2 милиони евра

Од:

Централниот караван на СДСМ, заедно со министерот за земјоделие, со пратениците, со сите функционери од овој Струмички регион се денеска во Струмица и во околните општини.

-Разговараме со земјоделците, со пазарџиите, со граѓаните се со цел да разговараме и за проблемите и за решенијата и за она што го нудиме за следниот чист мандат за новата влада предводена од СДСМ. Токму во Струмица денес ќе се одржи Централната трибина. Како дел од агендата “20-24” на којашто ќе разговараме за идните предизвици во делот на земјоделството. Ова е дел од програмата “ План за живот” во кој што во најголем дел од мерките, политиките, она што е ветено пред граѓаните веќе е реализирано, рече Љупчо Николовски, генерален секретар на СДСМ.

-Затоа денес во Струмица со гордост може да го потенцираме и повториме проектот за модернизација на земјоделството. Проект на којшто СДСМ оваа Влада, министерството работеше во сите изминати месеци односно, две години интензивно се работеше да го финализираме. И пред два дена во Бордот на Светска Банка веќе е донесена одлука со којашто проектот за модернизација на земјоделството на Северна Македонија е одобрен, односно се одобруваат 46 милиони нови средства и пари за земјоделството. Од овие 46 милиони, 32 милиони евра се токму за изградба на откупно дистрибутивни центри. На тоа се потпираше и програмата и ветувањата на СДСМ за подобрување на состојбата во аграрот и за подобрување на откупот и пласманот на земјоделските производи. Еден од овие откупно дистрибутивни центри ќе се гради во Струмица и во Струмичко, односно 6,2 милиони евра се предвидени токму за откупно-дистрибутивен центар којшто ќе се гради во овој регион, рече тој.

Овој регион во којшто е најзастапено градинарското производство, меѓутоа не само преку овој проект за модернизација на земјоделството којшто доаѓа како круна на политиките во овие 2,5 години. 2,5 години ги зголемуваме субвенциите, ги решаваме проблемите, ги решаваме напластените и оставени проблеми од претходната Влада на Никола Груевски, но и го модернизираме земјоделството.

Овие 2,5 години нашата земја е лидер и светол пример и во искористеноста на европските фондови. Ние сме пример за регионот, за тоа како се користат европските пари во земјоделството. Преку ИПАРД 2 програмата до денес се склучени над 1570 договори, односно се исплатени само во оваа година над 12 милиони евра, европски и национални пари само за реализација на проектите кои што се во земјоделството, а се финансираат преку ИПАРД. За само 2 години сме исплатиле 12 милиони евра.

Во претходниот период за 11 години се исплатени скоро исто средства тоа значи дека сме на прав пат, тоа значи дека во ИПАРД програмата во која што сме лидери во регионот ќе бараме дополнителни средства и од останатите земји, за прв пат оваа е прва година во којашто ниту плаќаме камати, пенали, ниту пак ги враќаме парите назад во Европскиот буџет, ова е прва година во којашто целосно ги користиме европските средства во македонското земјоделство.

Денеска во Струмица со земјоделците и граѓаните ќе разговараме и за сите други предизвици во земјоделството, на прав пат сме, ги продолжуваме политиките на враќање на партите назад кај граѓаните, ова е година каде за прв пат се спроведе мерката зелена нафта, година каде за прв пат се реализираше мерката за поврат на парите кон земјоделците преку зголемениот лимит на персоналниот данок, односно година каде земјоделците многу повеќе пари добиваат од државата, рече Николовски.

Би можело да ве интересира

Тешка сообраќајна несреќа во Струмица, повредени неколку лица

А1он

Николовски: Земјоделците од Кочанско рекордери во искористувањето на ИПАРД поддршката, утре ќе биде објавен новиот повик за мерката 3

Николовски од Берово: Продолжуваме со поддршката на жените земјоделки

Горан Наумовски

Николовски: Досега 838 млади земјоделци успешно ја реализирале поддршката со мерките на МЗШВ

(ВИДЕО) Николовски: Со реализирани 63,1 милиони евра за над 2.100 реализирани инвестиции успешно ја заокружуваме ИПАРД 2 програмата

Горан Наумовски

(ВИДЕО) Николовски од кавадаречка Марена: Лозарите добиваат гарантирана откупна цена на винското грозје