Велика Британија изгуби 417.000 работни денови поради работни спорови во октомври, најмногу од ноември 2011 година, објави денеска Канцеларијата за национална статистика (ONS).
Работниците во низа сектори излегоа на штрајк во последниве месеци, од железничари до наставници и поштенски работници до адвокати, бидејќи растот на платите не одржуваше чекор со двоцифрената инфлација.
Се очекува штрајкови да се одржуваат речиси секој ден во декември, со голем прекин на железничките услуги денеска бидејќи железничките работници го започнуваат последниот 48-часовен штрајк.
Медицинските сестри ќе штрајкуваат в четврток за прв пат во историјата на нивниот синдикат.
Извор: МИА