Агенцијата за електронски комуникации (АЕК) денеска ќе ја промовира веб апликацијата за мониторинг и стручен надзор над операторите.
Нејзините основни цели се стручен надзор на операторите во поглед на програмските сервиси и програмските пакети кои ги реемитуваат, пристап кон податоците преку интернет во кое било време и од кое било место, визуелизирање на територијата на која се реемитуваат програмските сервиси, како и просторно мапирање на извршените стручни надзори.
Реализацијата на апликацијата која е дополнителен модул на Системот за електронски регистар на јавни телекомуникациски мрежи, почна врз основа на Меморандумот за соработка меѓу Советот за радиодифузија и АЕК.