Министерот за транспорт и врски Миле Јанакиески денеска се сретна со амбасадорката на Франција во Македонија, Лоренс Оер, пред која ги претстави актуелните проекти на Владата во делот на патната инфраструктура и од останатите области.
– Јанакиески ја запозна амбасадорката Оер со приоритетните проекти за следната година, во рамки на кои се и проектите за изградба на систем за гасификација на Република Македонија, изготвувањето анализа за концесија дел од патниот Коридор 8 на делницата Гостивар – Кичево и активностите за модернизација на железничката инфраструктура, како и железничкото поврзување со Република Бугарија. Исто така, министерот Јанакиески потенцираше дека Владата и Министерството за транспорт и врски вложуваат напори за привлекување на што повеќе инвестиции во инфраструктурата, соопшти Министерството за транспорт и врски.
Амбасадорката Оер изразила задоволство за соработката на двете држави, ја истакнал својата поддршка на земјава на патот кон евроатлантската интеграција, добивање средства од меѓународните финансиски институции и европските фондови. Изразила надеж дека трговско-економската соработка меѓу двете земји дополнително ќе се продлабочи во иднина.