Во фабриката за рециклирање на пластичен отпад на штипското комунално претпријатие „Исар“ се преработуваат месечно од 15 до 20 тони, истакна на денешната прес-конференција директорот на ЈП „Исар“-Штип, Ангел Бојаџиев.
Тој забележа дека граѓаните пополека стекнуваат навики за селектирање на отпадот, со што се стекнуваат и со одредена економска добивка.
– Ние неодамна набавивме и 300 канти за исфрлање на сметот, набавивме и мали жолти и зелени пластични контењери за самите домаќинства, а од кои во жолтите се исфрла пластиката и подоцна се преарботува. Набавивме и четири нови камиони, четири трактори за исфрлање на сметот се со цел да се подобри комуналната хигиена, односно се со цел навреме да се исфрла ѓубрето во Општина Штип, вели Бојаџиев.
Тој истакна дека како комунално претпријатие почнале и со собирање на стаклен отпад, а најави дека работат и на проект за преработка на органскиот отпад. Фабриката за преработка на палстичниот отпад досега оставрила добивка од два милиони денари.