Еврото умира во Шпанија. Амриканската агенција „Фич“ го снижи кредитниот рејтинг во четири шпански региони како и во Барселона и Мадрид, еден ден откако го спушти кредитниот рејтинг на Шпанија за три степени.
Шпанија сега падна на чекор до кредитниот рејтинг наречен „ѓубре“, што на инвеститорите им порачува да не вложуваат во државата бидејќи е пред банкрот.
Се очекува Шпанија да остане во рецесија во текот на целата година но и во 2013 година, што е во спротивност со претходната прогноза дека следната година следи делумно закрепнување на економијата.
Агенцијата „Standard and purs“ наведува дека загубите на шпанските банки врз основа на проблематични кредити ќе бидат помеѓу 80 и 112 милијарди евра. Според европските аналитичари, по последните проценки на агенциите за бонитет, еврозоната се наоѓа пред провалија.