Во Собранието на Република Македонија денеска седници ќе одржат комисиите за труд и социјална политика и за финансирање и буџет.
На дневен ред на седницата на Комисијата за труд и социјална политика е Предлог – законот за изменување на Законот за материјално обезбедување на невработените лица поради приватизацијата на претпријатијата со доминантна сопственост на државата, по скратена постапка – II читање поднесен од група пратеници.
На дневен ред на Комисија за финансирање и буџет е Предлог – Буџет на Република Македонија за 2019 година во второ читање.