Минатата година е успешна година во однос на производството на електрична енергија во Албанија, јави дописникот на МИА.
Албанскиот Иститут за статистика (ИНСТАТ) објави дека производството на елекрична енергија во земјата минатата година забележало раст од 24,1 отсто, споредено со 2014 година.
Ова се должи на поволната хидрологија на каскадата на реката Дрим, каде се и трите хидроцентрали „Фиерза“, која е втора по големина на Балканот, како и „Вау те Дејес“ и „Коман“.
– Доброто производство услови и зголемен извоз и намален увоз. Така бруто увозот на електрична енергија опаднал за 29,8 отсто, додека извозот пораснал двојно, објави тиранската телевизија Топ-чанел.
Според ИНСТАТ, три четвртини од произведената елекрична енергија доаѓа на хидроцентралите во државна сопственост, додека една четвртина од приватни субјекти.
Лани потрошувачката на електрична енергија кај домаќинствата во Албанија пораснала за 0,8 проценти, додека кај правните субјекти за 1,5 отсто, споредено со претходната година.