Португалската економија е забавена за 3,2 отсто во 2012 година што е најголем годишен пад од 1975 година, соопшти денеска португалската Агенција за статистика.
Португалија спроведува опсежни мерки за намалување на долгот кои опфаќаат зголемување даноци и намалување плати и пензии во замена за меѓународни кредитни линии од 78 милијарди евра, договориени во мај 2011 година.
Такво забавување на економијата е последица на падот на личната потрошувачка и слабиот раст на извоз со намалувања во економијата во последниот квартал за 3,8 отсто. Невработеноста во Португалија е 17,6 отсто што е трета најголема стапка во ЕУ, по Грција и Шпанија. Португалската економија регистриаше пад во 2011 година за 1,6 отсто, а Владата за следната година прогнозира пад за два отсто.