Пад на индустриското производство во јули

Од:

Индустриското производство во јули годинава во однос на јули лани е помало за 1,8 проценти. Во периодот јануари − јули 2023, пак, во споредба со истиот период минатата година, бележи раст од 1.0 отсто, соопшти Државниот завод за статистика.

Гледано по сектори, индустриското производство во секторот Рударство и вадење на камен во јули 2023 година, во однос на јули 2022 година, бележи опаѓање од 13.5 %, во секторот Преработувачка индустрија опаѓање од 1.2 %, а во секторот Снабдување со електрична енергија, гас, пареа и климатизација пораст од 8.8 %.

Намалувањето во секторот Преработувачка индустрија е резултат, пред сѐ, на намаленото производство во следните оддели: Производство на прехранбени производи, Производство на тутунски производи, Производство на текстил, Производство на облека, Производство на основни фармацевтски производи и фармацевтски препарати,Производство на производи од гума и производи од пластични маси и Производство на електрична опрема.

Според главните индустриски групи, производството во јули 2023 година, во однос на јули 2022 година, бележи пораст кај Капитални производи за 28.0 %, додека опаѓање бележи кај Енергија за 6.1 %, Интермедијарни производи, освен енергија за 1.8 %, Трајни производи за широка потрошувачка за 18.9 % и Нетрајни производи за широка потрошувачка за 13.8 %.

Би можело да ве интересира

Индустриското производство во март зголемено за 1.3 отсто

Горан Наумовски

Индустриското производство во февруари зголемено за еден отсто

Ана Ололовска

Раст од 4,7 проценти на индустриското производство во ноември годинава

Ана Ололовска

Белата куќа ќе мора да реагира на недостигот од чипови за американската индустрија

А1он

Намален бројот на работници во индустријата

А1он

Зголемен прометот во индустријата

А1он