Најголем добитник од ниските цени на нафтата ќе бидат Филипини, а најголеми губитници се Саудиска Арабија, Русија и Обединетите Арапски Емирати, се вели во анализа на Оксфорд икономикс.
Во неа се опфатени 45 национални економии.
– Ако цената на нафтата се намали под 39 долари за барел, би можело да има и продолжување на падот на цената на само 30 долари, смета Валтер Цимермен, главен технички стратег на брокерската компанија Јунајтед-ИЦАП.
Тој прогнозираше пад на цената на нафтата во 2014 година, јавуваат американски медиуми.
Според него, цената на нафтата ќе се формира на емоционална одлука, а не на односот побарувачка-производство.
– Увозниците на нафта ќе имаат корист поради намалените трошоци за гориво, додека извозниците ќе имаат пониски приходи. За извозниците на нафта кои немаат силни фискални правила притисоците врз буџетот и валутата може да бидат значајни, што може да придонесе за раст на инфлацијата, смета Цимермен.