ВИДЕО: Наскоро во употреба реконструираниот пат Битола – Нижеполе – Ски центар „Стрежево“

Од:

Во наредните денови по техничкиот прием ќе биде пуштен во употреба реконструираниот регионален пат Битола – Нижеполе – Ски центар „Стрежево“. Реконструкцијата на овој пат е во должина од 5,5 километри, а според премиерот Зоран Заев, граѓаните од Битола и регионот сега имаат лесна врска со рекреативните локации под Пелистер, како и со ски центарот „Стрежево“.

Реконструкцијата на патот чини 36 милиони денари од буџетот на државата, а ширината на патот сега изнесува 6 метри според сите стандарди за оваа категорија патишта.

-Ова е особено важно и за развојот на зимскиот туризам дополнително и заради фактот што Јавното претпријатие „Стрежево“ одговара на барањата на љубителите на зимските спортови овозможи и ноќно скијање на своите терени, истакна Заев, кој денеска беше на увидот на реконструираниот регионален пат.

Тој додаде дека Подпелистерскиот туристички центар бележи силен напредок во селскиот туризам, кој, како што рече, станува сé поатрактивен за голем број странски туристи и тоа е потенцијал кој носи и сериозни придобивки за локалното население и за локалната економија.

Министерот за транспорт и врски, Благој Бочварски денеска на увидот на патот посочи дека развојот и унапредување на патната мрежа е приоритет, за што се планирани инвестиции од преку една милијарда евра заради забрзан економски развој на државата и општините, особено во оние каде што туризмот е од особено значење за развој на локалната економија.

-Уверуваме дека поддршката продолжува во континуитет и заеднички со локалната власт ќе реализираме проекти за развој на Битола и цела Пелагонија. Ова го зборувам од причина што огромен број на средства алоцираме за развој на регионот. Се работи на проекти во патната мрежа, во комуналната инфраструктура, во гасификацијата, нагласи Бочварски.

Градоначалничката на Општина Битола, Наташа Петровска на увидот информираше дека со реконструкцијата на патниот правец кон Нижеполе, паралелно се врши и реконструкцијата и на патниот правец Трново-Магарево и се постави канализациска мрежа и пречистителна станица.

-Со ова се затвора една успешна приказна на развој на туризмот во Потпелистериоето, овозможувајќи им на жителите на овие села, но пред се на туристите и посетителите, поквалитетна животна средина и хигиенски третман на околината, без испуштање на отпадните води во околните реки, додаде Петровска.

Би можело да ве интересира

Бочварски: Во буџетот се предвидени пари за Брзиот автобуски превоз во Скопје, Арсовска да ја преиспита одлуката за откажување на проектот

Катерина Павлова-Николовска

Бочварски: Обиколницата Штип од утре ја пуштаме во употреба за сообраќај

Ана Ололовска

Бочварски: Започна бушењето на тунелот на експресниот пат Градско – Прилеп

А1он

Бочварски – Ал-Тани: Да се разгледа можноста за обнова на авиолинијата Скопје – Катар

Ана Ололовска

Заев: „Цветот на Сребреница“ на Пчиња кај Долно Коњаре е најдолгиот мост во земјата што поврзува два регионални патни правци

Ана Ололовска

Бочварски очекува до крајот на годината да биде изграден магистралниот гасовод до Битола

Ана Ололовска