Стапката на невработеност во ЕУ се намалила на 10,4 отсто во април, наспроти 10,5 проценти во март, додека во еврозоната таа забележала пад до 11,7 отсто, покажуваат податоците на Евростат.
Според Евростат, бројот на невработените граѓани во ЕУ изнесувал 25,471 милион, од кои 18,751 милион се од земјите на еврозоната.
Најниска стапка е регистрирана во Австрија (4,9 отсто), Германија (5,2 процента) и Луксембург (6,1 отсто), а највисока во Грција (26,5 отсто во февруари) и Шпанија (25,1 процент).
Во споредба со минатата година, невработеноста се намалила во 18 земји-членки, во две останала непроменета, а во осум се зголемила.
Најголем пад е забележан во Унгарија (од 10,6 на 7,8 отсто), Португалија (од 17,3 на 14,6 проценти) и во Ирска (од 13,7 на 11,9 отсто). Најголемо зголемување на невработеноста пак има во Кипар (од 15,6 на 16,4 проценти) и Холандија (од 6,5 на 7,2 отсто).