Трговскиот дефицит на Португалија минатата година е намален за 34,8 проценти на 10,7 милијарди евра, благодарение на растот на извозот и намалувањето на увозот, покажуваат денеска објавените податоци на португалската канцеларија за статистика ИНЕ.
Извозот, кој стана единствен двигател на ослабената португалска економија, е зголемен минатата година за 5,8 отсто, на 45,3 милијарди евра.
Увозот на стоки и услуги, истовремено, е намален за 5,4 отсто на 56 милијарди евра.
Португалија, која се соочува со зголемен јавен долг, спроведе остри мерки за штедење во замена за добивањето спасувачки кредити од Евопската унија и Меѓународниот монетарен фонд.
Според проценките економијата на Португалија во 2012 година е намалена за три отсто, додека португалската централна банка за оваа година прогнозира продолжување на падот и тоа од 1,9 проценти.