Прометот во трговијата на мало со храна, пијалаци, тутун, непрехранбени производи и моторни горива минатата година бележи опаѓање.
Според Државниот завод за статистика, индикаторите за промет во трговијата го мерат прометот во трговија на големо и трговијата на мало во форма на номинални и реални (ценовно прилагодени) индекси, а не во апсолутни износи. Поради тоа, индикаторите служат исклучиво за следење на динамиката, а не за оценка на нивото на прометот.
Податоците што се објавуваат се дефинитивни, пресметани врз база на 2010 година (базна година) и во споредба со ист месец од претходната година. Пресметаните индекси не се прилагодени (сезонски, календарски и по работни денови).