ММФ: Глобалниот банкарски сектор ќе остане под притисок до 2025 година

Од:

Глобалниот банкарски сектор ќе остане под притисок до 2025 година, дури и кога глобалната економија ќе почне да се опоравува од кризата предизвикана од пандемијата на коронавирусот, објави ММФ.

Во новиот „Извештај за глобалната финансиска стабилност“, ММФ проценува дека банките во деветте најразвиени економии ќе се измачуваат за генерирање профит во наредните пет години, затоа што пандемијата ќе влијае на пролонгирање на периодот на ниски каматни стапки, пренесува Си-ен-би-си.

Фондот верува дека економскиот пад поради Ковид-19 ќе г стави на „тест за отпорност на банките“ бидејќи тие се соочуваат со загуби од кредити и пониски маржи заради ниските каматни стапки.

„Основните притисоци врз профитабилноста веројатно ќе продолжат на среден и долг рок дури и кога глобалната економија ќе почне да се опоравува од сегашниот шок“, се вели во извештајот.

Банката „JPMorgan Chase“ забележа пад на профитот од 69 проценти во првиот квартал во однос на претходната година.

Банкарскиот индекс KBW, што ги следи цените на акциите на околу 20 банки во САД падна за 39 проценти од почетокот на годината.

Меѓутоа, ММФ во извештајот забележува дека банките се подобро подготвени за овој економски шок благодарение на заштитните слоеви на капиталот воспоставени по финансиската криза во 2008 година.

Едно од решенијата за надминување на проблемот со профитабилноста, креаторите на монетарната политика гледаат во фактот – банките да престанат да исплаќаат дивиденди и да ги купуваат своите акции за да заштедат капитал.

Би можело да ве интересира

Мега-скандалот со перењето валкани пари ги урна акциите на големите светски банки

А1он

Светски банки дозволувале трансфер на валкани пари

Ана Ололовска

Граѓаните кои сакаат ново одложување на отплатата на кредитите треба да се обратат во своите банки

А1он

Средба Бесими – ММФ: Целта ни е следните години растот да се дуплира

Ана Ололовска

ММФ: На корона-кризата не ѝ се гледа крајот

А1он

Повлечена последната транша од евтините кредити, до домашните компании стасаа вкупно 50,9 милиони евра

Ана Ололовска