Денеска во Брисел министрите за финансии на земјите кои што го користат еврото како национална валута ќе го избираат следниот претседател на Еврогрупата.
Кандидати за позицијата се четворица актуелни министри за финансии и тоа на Португалија, Марио Сантено, на Луксембург, Пјер Грамен, на Летонија, Дана Рејзниенце-Озола и на Словачка, Петер Кажимир.
Мандатот на претседателот на Еврогрупата е две и пол години, а тој претседава со месечните состаноци на министрите за финансии.
Фаворит за позицијата во моментов е Сантено. Досегашен претседател беше Холанѓанецот Јерун Дејселблум, кој што ја водеше Еврогрупата во два мандати, но мораше да се повлече бидејќи повеќе не е холандски министер за финансии.