Заменик-претседателот на Европската комисија и еврокомесар за енергетски прашања Марош Шефчович за 9 декември закажа неформална средба во Брисел на министрите за енергетика на осум земји-членки на ЕУ на која ќе се разгледува ситуацијата по откажувањето на Русија од проектот „Јужен поток“.
– Заменик-претседателот Шефчович презеде иницијатива и предложи да биде разгледана ситуацијата од министрите за енергетика на осум земји-членки ЕУ, за кои „Јужен поток“ има важно значење, се наведува во соопштението од ЕК.
На средбата ќе учествуваат министерите задолежни за енергетика од Бугарија, Унгарија, Словенија, Австрија, Хрватска, Италија, Грција и Романија.