Кинескиот истражувачки институт „Хурун“ објави список со најбогатите луѓе, според кој Кина ги надмина САД и се претвори во земја со најголем број милијардери на глобалниот пазар за капитал.
Бројот на богаташите достигна 212, што за еден богат човек повеќе, отколку во САД. Во моментот драстично расте богатството на Кина, а заедно со него и бројот на богати луѓе.
Индустријата со недвижен имот е најдобриот начин за постигнување на материјално богатство во земјата. Потоа следуваат комуникациските технологии и инвестициите, пишува кинескиот весник „Женбин жибао“.