Ирак треба да биде ослободен од ограничувања при екстракција на нафта, бидејќи земјата е во состојба на војна со терористичката група Исламска држава, изјави министерот за нафта Џабар ал Лаиби, пренесува ТАСС.
Според министерот, од таа причина неговата земја треба да има право на исклучок, како оние за кои се расправа за Нигерија и Либија.
На крајот на септември, на вонредниот состанок на Организацијата на земјите извознички на нафта (ОПЕК) за време на енергетска конференција во Алжир, земјите од картелот се договорија за намалување на производството со цел да се стабилизира пазарот. Конкретно решение треба да биде донесено на самитот на ОПЕК во ноември.