На 15 јануари државата првпат ќе се задолжи на домашниот пазар во новата 2019 година. Во јануари следната година државата треба да се позајми за да врати приближно 32 милиони евра, рати кои доспеваат за враќање на 12, 23 и 26 јануари. Министерството за финансии го објави новиот календар на задолжувања за првиот и вториот квартал од следната година кај домашните кредитори.
Кај домашните банки и осигурителните друштва во февруари, март и април 2019 година предвидени се по 2 аукции, три во мај и една во јуни. За половина година тоа се вкупно 12 аукции. Станува збор за заеми со кои претежно ќе се враќаат стари долгови кои доспеваат за враќање.
На крајот од третото тримесечје, државниот долг изнесувал 40,3% од бруто домашниот производ, или 4,3 милијарди евра, а јавниот долг изнесува 48,2% од БДП.
Споредено со вториот квартал од 2018 година, во третиот квартал немало промена кај државниот долг, додека јавниот долг пораснал за 0,1 процентни поени. Последниве десет години јавниот долг на земјава значајно се зголеми, oсобено од 2008 година до денеска.
Васко Маглешов