Словачкиот премиер Роберт Фицо ги покани лидерите на парламентарните партии на Словачка да се приклучат и да го потпишат неговото писмо до украинскиот претседател Володимир Зеленски, во кое бара враќање на транзитот на руска нафта низ Украина, нагласувајќи дека тоа е клучно прашање за енергетската безбедност на Словачка.
Фицо го објави писмото на социјалните мрежи и ги покани претседателите на релевантните политички партии да му се придружат во иницијативата упатена до украинскиот лидер, пренесува Таср.
„Претседатели на релевантните политички партии, додадете ги вашите потписи на ова писмо до украинскиот претседател и ајде да застанеме заедно во одбрана на енергетската безбедност на Словачка како фундаментален национален интерес за кој не може да има спор во Словачка“, рече Фицо.