Австрискиот канцелар Вернер Фајман и италијанскиот премиер Матео Ренци се изјаснија денеска против политиката на штедење во Европската унија.
На прес конференција тие нагласија дека инвестициската програма во висина од 300 милијарди евра, предложена од претседателот на ЕК, Жан Клод Јункер, не смее да биде намалена.
Фајман, по состанокот на маргините на Самитот на ЦЕИ, нагласи дека е потребна инвестициска програма за да може граѓаните да видат дека нешто се работи со цел економски раст.
Тој се изјасни за дуализам „стабилност и вработување“ што го поддржа и Ренци. Фајман повика и на поголема солидарност во ЕУ кога се работи за бегалците особено за оние од северна Африка.