Европската банка за обнова и развој (ЕБРД) се согласи да купи 5,4 процентен дел во Хеленик банк, втората по големина банка на Кипар, во вредност од 20 милиони евра, јави БТА.
Претставникот на ЕБРД Луцина Станчек-Вучинска по потпишувањето на договорот денеска изајви, дека купувањето има за цел дополнително да ги стабилизира кипарските банки, кои се оптоварени со лоши кредити, што претставуваат над половина од сите заеми.
Кипарскиот банкарски сектор беше тешко погоден, откако меѓународните кредитори и доделија на земјата спасувачки пакет од 10 милијарди евра во март 2013 година, кој предвидуваше одземање на несигурните депозити во двете најголеми банки во земјата.
Станчак-Вучинска изјави дека ЕБВР ќе помогне на Хеленик банк да се справи со проблемот со лошите кредити, со цел да може да даде повеќе кредити на бизнисот, така што доделувањето на повеќе кредити ќе ја зајакне економијата.