Дополнителни два денара субвенции за килограм лубеници продадени од 3 до 15 јули годинава на регистрирани откупувачи по цена не повисока од четири денари, ќе добијат производителите.
Вака одлучи Владата на вчерашната седница. Целта е, како што соопшти, да им се помогне на земјоделците поради ниската откупна цена со која се соочуваат.
При пресметката на директните плаќања, објаснува владината прес-служба, се земаат предвид количините што не надминуваат 50.000 килограми по хектар.