Британскиот Комитетот за надзор на јавната потрошувачка ги повикаа купувачите во земјата да ја бојкотираат работата на американската компанија за трговија преку интернет „Амазон“.
Причина за ваквата постапка на комисијата е малата сума на платен данок на компанијата. Минатата година „Амазон“ плати данок од само 4,2 милиони фунти и покрај продадената стока во вредност од 4,3 милијарди фунти.
Претседателката на Комитетот за надзор на јавната потрошувачка, Маргарет Ноџ, побара од купувачите да најдат алтернатива, а „Амазон“ мора да плати реална сума на данок. Според неа, Амазон заработува на неплаќање данок и затоа бара од купувачите да одберат друга компанија, преку која ќе купуваат од интернет.
„Амазон“ во последната деценија платил само десет милиони фунти на име данок, а само во последните четири години оваа компанија во Британија остварила приход од продажба од 23 милијарди фунти.
Компанијата има можност да плаќа понизок данок, затоа што кога купувачите во Европа купуваат од некоја локална интернет страница, плаќањето се одвива преку подружницата на Амазон, која се наоѓа во Луксембург, земја која има ниски даночни стапки.