Европската комисија донесе одлука да ги намали за 17 милиони евра земјоделските субвенции за Грција за 2014 година, по истрагата со која се откриени можни измами од страна на грчките земјоделски производители.
– ЕК првпат ја применува оваа нова опција за управување со буџетот, но многу е важно правилата да се почитуваат, истакна во соопштение еврокомесарот за земјоделство Фил Хоган.
И покрај значителниот напредок земјата не успеала да го усогласи со европските норми својот систем за оценка кои земјоделски парцели кои можат да добијат субвении во рамки на Заедничката земјоделска политика, нагласи ЕК.
Комисијата истакна дека тоа било потврдено со истрагата, спроведена минатиот месец.
ЕК нагласи дека за да се избегне натамошно непотребно отпуштање на помош првпат ја применила оваа мерка.