Американскиот авионски гигант Боинг информираше дека преговорите за преземање на бразилската компанија Ембраер напредуваат добро, и дека има доволно средства да го изврши планираното преземање, и да продолжи да инвестира во технолошки развој и исплаќање на дивидендите.
– Не само што сме во можност да вршиме преземања на компании какви што е Ембраер, туку можеме да го сториме тоа по желба, изјави директорот на Боинг Денис Муиленбург.
Се проценува дека бразилската компанија е вредна меѓу 5 и 6 милијарди долари. Боинг информираше дека има 15 милијарди долари на располагање кои може да ги искористи за преземање компании, за неопходните инвестиции во идниот технолошки развој и за исплата на дивиденди на акционерите.
Муиленбург изјави дека зделката со Ембраер не е нешто што Боинг мора да го реализира, но дека преговорите напредуваат добро.