Бочварски: Започна бушењето на тунелот на експресниот пат Градско – Прилеп

Од:

Министерот за транспорт и врски, Благој Бочварски, директорот на ЈП за државни патишта, Ејуп Рустеми, и заменик директорот на ЈП за државни патишта, Благојче Трпевски, денеска извршија увид во градежните работи на бушење на тунелот кон Прилеп, на делницата Дреново – Фаришка клисура.

Тунелот е составен од две цевки и тоа тунелот во правецот кон Прилеп со должина од 139 метри и тунелот кон Градско со должина од 159 метри.

Изградбата на овој тунел се очекува да биде завршена за една година.

„Сакам да ги информирам сите граѓани од овој регион дека експресниот пат од Градско до Прилеп и на двете делници се гради со полна пареа. Нема повеќе калкулации.
Денеска со директорот на ЈП за државни патишта се наоѓаме на увид на бушење на тунелот кон Прилеп, еден од најкаректеристичните објекти на оваа траса.
Овде ќе се изградат две тунелски ленти, едната кон Прилеп со должина од 139 метри и другата кон Градско со должина од 159 метри.
Изведувачот е комплетно мобилизиран и на располагање ги има сите потребни ресурси од кадар, работна сила, механизација со опрема и материјали за изведба на тунелите согласно динамиката на изградба.“ – изјави министерот Бочварски.

Тој исто така потенцираше дека во Министерството за транспорт и врски заклучно со месец октомври има одлична реализација на капиталните инвестиции, што дава оптимизам дека до крајот на годината ќе има висок процент на реализација на капиталните проекти.

Директорот на ЈП за државни патишта, Ејуп Рустеми, истакна дека интензивно се работи на експресниот пат Градско – Дреново, кој е поделен во три делници.

„Ширина на делницата Дреново-Фариш е променлива. 5 км се со асфалтна платформа од 12,4 m што одговараа на експресен пат, а преостанатите повеќе од 5 км се со платформа од 17 m што одговара на автопат со намалена ширина. На само десет километри растојание во овој појас се градат два тунела, 21 мост, 5 подвозници, 11 потпорни ѕидови, еден кружен тек на локалниот пат со клучка кај Дреново и еден вијадукт, што говори за каков тешко пристапен терен станува збор.“ – изјави Рустеми.

Овој е еден од најзначајните патни правци во државата, каде што дневно поминуваат и над 6 илјади возила од сите категории. Со неговата реализација значително ќе се подобри патната инфраструктура на кракот Д на Паневропскиот транспортен коридор 10.

Би можело да ве интересира

Казнета фирмата „Ројал Травел“ која без лиценца и без дозвола превезувала патници

Катерина Павлова-Николовска

Одземена лиценцата за работа на превозникот „Бога Транс“ од Скопје

Ана Ололовска

Нови рокови за автопатот Кичево – Охрид и пругата кон Бугарија, старт на интерконекторот со Грција

Ана Ололовска

„Помолете се пред да го поминете“, мостот Пресека на патот Кичево – Охрид во очајна состојба

А1он

Николовски: Создаваме модерна патна врска во североисточниот дел на Коридор 8

А1он

Бочварски: На новиот мандатар е да одлучи кој ќе биде во идната влада

А1он